ህድሞ ዶው ኣይብልን ብዘይ ዓንዲ

ህዝቢ ኣይነብርን ብዘይ ሕጊ ፍርዲ

ሕድሪ ሰማእታትና ክቡር እዩ

በርሀ ዑቁባዝጊ ሃገር ጀርመን

ህድሞ ዶው ኣይብልን ብዘይ ዓንዲ

ህዝቢ ኣይነብርን ብዘይ ሕጊ ፍርዲ

ጸረ ምልካዊ ስርዓት ተባራበር ደቂ ዓዲ

ያኣኽለና ሎምስ ናይ ህግደፍ ቀይዲ።

መታን ክሕሸና ካብ ዓሚ

ነተግብሮ ሓደራ ስዉኣትና ሎሚ

ነተግብሮ ናይ ህዝብና ሕልሚ

ጠላም ስርዓት ክሰቲ ስሚ።

ኣብ ሰደት ጢዒምዎም ዝጸገቡ

ከይተቓለሲ ጉድለታት ዝጽብጽቡ

ዘብረቐ የብር ጻሓይና ዝብሉ ለያቡ።

ተቓወምቲ ሓሚቖም ይብሉ

ክመስሉ ብህዝቢ ዝሓመሙ

ጉሒላ ከሕጉሱ ተቓወምቲ ዘጸልሙ    

ተስፋ ከቑሩጹ ብህግደፍ ዝተሸሙ

ከም ቁርዲድ ንህዝቢ መጽዮሞ ደሙ።

 ዓዲ ከይዶም ዝሕስዉ

ምስ ህግደፍ ዓዲ ዘዕንዉ

ዝጠለሙ ንበጃ ሃገር ዝተበጀዉ

ንሓርነታዊ ቃልስና ዘናሽዉ።

ብጀካ ከብዶም ዘይብሎም ዘመድ

ምስ ተባህለ  ውረድ ከይትዋረድ

ህግደፋዊያን ያኣትዎም ዕብድብድ

ኣብ ኢድና ኣሎ ናይ ከዳኣት ሰነድ።

ዘጽቀጡ ክንጽበ ኣይንጎተት ንድሕሪት

ዝሓንገዲ ኣይንጸበ ህዝቢ ክሳብ ዝጸንት

ዓዲ ጽቡቕ ኣሎ ዝብሉ ጠላማት

ኣይንግዓር ክነእምን ንሰብ መሰል ኣራዊት።

ምስ ህግደፍ ምድንጋጾም ዝንየቱሉ

ንብረት ድኹማት ዝሚቶም ዘሽካዕልሉ

ዝመስሎም ህዝብና ዘይወግሓሉ

ኣብ ትሕቲ ህግደፍ ዝነብር ከምኡ ኢሉ።

ከይመስሎም ንመቃባበልቲ ወረ

ኣስማቶም ካባና ዝተሰወረ

ኢዶም ይፍደዩ ዲክተተር ምስ ተሳዕረ።

ህግደፍ ምስ ሳዓርና ኣሎና ንብሎ

19 ዓመት የውሃና ዝተባህሎ የኣኽሎ

ልቢ ግበሩ ዋርሳይ ይካኣሎ

ተማሃራይ ምስ ገባራይ መሪርዎሎ።

ታሓጋጊዝና ዲክተተር ንምሓዎ

ስዋኣትና ክቀስኒ ህዝብና ክርህዎ።

ዓወት ነቲ ደም ዝነብዕ ዘሎ ህዝቢ ኤረትራ

ክብርን ሞጎስን ንጀጋኑ ሰማእታትና

ኤረና ንለብዘበን እንበር ናዓመታስ ሸዊት ለምለም

ዕንወት ንጃንዳ ህግደፍን ዓንገልቶምን