ወኪል ኤርትራዊ  ሃገራዊ ኮሚሽን ንዲሞክራሲያዊ ለውጢ ኣብ ዓባይ ብሪጣንያ ኣቶ ዳንኤል ወልደትንሳኤ ዝመረሖን ኣባላት ፈጻሚት ሽማግሌ ጨንፈር ሚድላን ዘማእከልዎ ኣብ በርሚንጋሃም ብዕለት 15.10.2011 ኣኼባ ኣካይዶም። ብመጀመሪያ ሕጋውነት ኣኼባ ንምምላእ እቲ ቁጽሪ እኹል ሙኻኑ፡ ማለት 36 ካብ 49 ዝተመዝገቡ ኣባላት ኣብቲ ኣኼባ ድሕሪ ምስታፎም ሕጋውነት ኣኼባ ምስ ኣረጋገጹ ብናይ ሓባር ውሳኔ ድማ ኣብዘን ዝስዕባ ክልተ መደባት ተሰማሚዖም፦

1.     እቲ ብገለ ገለ ኣባላት ተሓጋጋዚት ሽማግሌ ዝተፈጸመ ዘይሕጋውን ዘይሓላፍነታውን ተግባራት ውዱቕ ንምግባር፡

2.    ንዞባ ማእከል (ሚድላንድ) ወኪሎም ኣብ ጉባኤ ዝሳተፉ ኣባላት ንምምራጽ።

እቲ ዘይሕጋዊ መጸዋዕታ ናይ ዕለት 01.10.2011ን 08.10.2011 ብዘይ ኣፍልጦ ተሓጋጋዚት ሽማግሌ ዝተገብረ መጸዋዕታ ብምንባሩ እቶም ኣኼበኛታት ብሙሉእ ድምጺ ውዱቕ ድሕሪ ምግባር ሙልእ ሕግን ግሉጽነትን ዘማለኤ ብዲሞክራሲያዊ ኣገባብ ክልተ ሰባት መሪጸም። ንሳቶም ድማ፦

1.     ስዒድ ዓብደልሃዲ ጀውሃር

2.    መንእሰይ ኢሳቕ ክፍለ ማርያምን እዮም።

ከምኡውን  ኣባ ሃብተማርያምን  ሸኽ ማሓመድ ጁምዓን ከም መራሕቲ ሃይማኖት መጠን፡ ንሚድላንድ ወኪሎም ኣብዚ ዝመጽእ ዘሎ ንኽሳተፉ መታን ዕድል ክዋሃቦም ኣኼበኛታት ለበዋታቶም ኣማሓላሊፎም።  ኣብ መጨረሽታ፡ እቲ ኣኼባ ቅጥዕታተ ናይ ኮሚሽን ዘማለኤ ምሉእ ዶሞክራሲያዊ ሓዘል ኣኼባ ብምንባሩ ኮሚሽነር ዳኒኤል ወልደትንሳኤ ደገፉ ገሊጹ።

ዓወት ንኤርትራዊ ሃገራዊ ጉባኤ

ተሓጋጋዚት ሽማግሌ ኤርትራዊ ሃገራዊ ኮሚሽን (ሚድላንድ)

15.10.2011