الحركة الشعبية الإرترية

Eritrean People's Movement

ህዝባዊ ኣኼባ ኤርትራዊ ህዝባዊ ምንቅስቓስ (ኤ.ህ.ም.)፡ ለንደን 29 ሕዳር 2009

الحركة الشعبية الإرترية

Eritrean People's Movement

ህዝባዊ ኣኼባ ኤርትራዊ ህዝባዊ ምንቅስቓስ (ኤ.ህ.ም.)፡ ለንደን 29 ሕዳር 2009

ኤህም ጨንፈር ዓባይ ብሪጣንያ ብ29 ሕዳር 2009፡ ናይ ኣባላት ኣኼባን፡ ቀጺሉ ክፉት ህዝባዊ ኣኼባ ኣካይዱ፡፡  እቲ ኣኼባ፡ ብኣባል ባይቶ ኤህም ኣቶ ሃብተማርያም በርሀ እዩ ተኻይዱ፤ እቲ ቀዳማይ ክፍሊ ናይ ኣባላት ኣኼባ ካብ ሰዓት 2፡30 ክሳብ 3፡30 ድሕሪ ቐትሪ ኪግበር ከሎ፡ ካብኡ ቀጺሉ ክሳብ ሰዓት 6፡00 ድሕሪ ቐትሪ ድማ ናይ ህዝቢ ኣኼባ ተገብረ። እዞም ክልተ ኣኼባታት እዚኣቶም፡ ብቅርጸ-ትሕዝትኦም ዝተፈላለዩን ዝተመሳሰሉን ኮይኖም፡ ዝርዝራቶም ከምዚ ዝኽተል ነበረ፤

1ይ ክፍሊ፡- ኣኼባ ኣባላት ኤህም፡

ዛዕባታት ኣኼባ ኣባልላት ኤህም፡
1.  ሓጺር ገለጻ ብዛዕባ ''ኤህም ብኸመይ ተበጊሱን፡ ተወሊዱን፣ ዕላማኡን"፡ ብሕጽር ዝበለ ከኣ፦
__ሀ) ብናይ ህግ ኣገባብ ቃልሲ ምስ ዲፒ ጀሚሩ፡ ፈተነ ፍልልያት ጀብሃ~ሻዕብያ፡ ህንጥውንነት 4+1፡ ጉባኤ ካርቱም (2005)፡
__ለ) እቲ ድሕሪ ምስንኻል ጉባኤ ካርቱም ንውድብ ብጽንዓት ጠጠው ከብሎ ዝኸኣለ ሓያል ተራ መንአሰያትን ተመሃሮን ኣባላት ኤህም ኣብ ኢትዮጵያ፡                                                                                                                                   __ሐ) ከምኡ አቲ መሪሕነት ኤህም ክመሃረሉ ዘይከኣለ ብገለ ግዱሳት ኣባላት ጨንፈር ዓባይ ብሪጣንያ ዝቀረበ "ገምጋም ንድሕነትን ምሕያልን ኤህም" (24/05/2006)፤

2. ካልኣይ ጉባኤ ኤህም 2008፣ ሒዝዎ ዚተበገሰ ቅርጽን ኣሰራርሓን ውድብ፣ ኣብ ኣቦ መንበርን ናይ ጨናፍር ሓላፍን ጥርሕ ዝኾልል በይነኣዊ ድልድል፣ ብኣንጻር ትጽቢትና ንተራን ሓላፍነትን መንአሰያት ሓለፍቲ ኣብ ኢትዮጵያ ግደ ዘይሃበ ኣካይዳን፣ ብዓቢኡ ድማ ዝተራእየ ዘይግሉጽን ዘይቅዋማውን ድኹም ዓቅሚ ተጻዋርነትን ብመሰረት ግዝኣተ ሕግን ዲሞክራስያዊ ጠለባትን፤

3. ጉዳይ ሓድነትን፡ ኣተሓሕዛኡን ብገለ ፈጸምቲ ኣካል ዝተወስደ ዘይሕጋውን ዘይዲሞክራስያውን ኣሰራርሓን፡ ዘኸተሎ ሳዕቤንን፡ ንምአራሙ ዝተገብረን ዝግበር ዘልሎን ዓቃል ጻዕርታትን፤

4. ኣብዚ ህሞት'ዚ'ውን ይኹን፡ ኤህም ከም ምርጫን ሓላፍነትን ኪህልዎ ዝኽአል፡ ከም ዕላማን ራእይን ኤህም፡ ህዝብን ሃገርን ንምድሓን ገምገማቱ ኣጻፊፉ ብዝነጸረ መገዲ ዕማማቱ ይቅጽል ከምዘሎ፤

ኣብ ዝብሉ መሰረታውያን ነጥብታት ተመርኪሱ ብምልኣት ገሊጹ። ናይ ሕቶን መልስን ርኢቶን ቅሉዕን ሃብታምን መቐጸልታ'ውን ነበረ።   

2ይ ክፍሊ፡- ሓፈሻዊ ኣኼባ ንህዝቢ፡

እቲ ካልኣይ ክፍሊ'ቲ ኣኼባ፡ ናይ ህዝቢ ኮይኑ፡ ኣብቲ ኣኼባ ዚተዛረብናሎም ዛዕባታት እዞም ዚስዕቡ ነበሩ፡-
_ሀ) ሓጺር መእተዊ ብዛዕባ ህሉው ኩነታት ሃገርናን ስርዓት ህግደፍን
_ለ) ደምበ ተቃውሞ (ኤህም ኣካል ደምበ ተቃወምቲ ስለዝኾነ)
_ሐ) መበቆል ኤህምን ዕላማታቱን፣ ጉዕዞ ሓድነት ምስ 2ተ ሰልፍታትን፡ ኣብ ኤህም ተፈጢሩ ዘሎ ኩነታትን ሳዕበኑን
_መ) ንኤህም ንምድሓን ዚተወስደን ዚውሰድ ዘሎን ተበጉሶታት።

ኣብዘን ተጠቒሰን ዘለዋ ነጥብታት ዘተኮረ ሓጺር መብርሂ ተዋህበ። ቀጺሉ፡ ንሕቶን ርእይቶን ዕድል ተኸፍተ፤ ንዝቀረቡ ሕቶታት'ውን መብርሂ ተዋህቦም። ኣብ ርእሲኡ ካብ ህዝቢ ሃናጺ ለበዋታት ቐረቡ፤ በዚ ድማ እቲ ኣኼባ ብዓወት ተዛዘመ።