ተጋዳላይ በሺር ኢስሓቕ ሓላፊ ወጻኢ ጉዳያት ኤዲኪ

 ንወጻኢ ዑደት ስራሕ ጀሚሩ።

ተጋዳላይ በሺር ኢስሓቕ ሓላፊ ወጻኢ ጉዳያት ኤዲኪ

 ንወጻኢ ዑደት ስራሕ ጀሚሩ።

ተጋዳላይ በሺር ኢስሓቕ ሓላፊ ወጻኢ ጉዳያት ኤርትራዊ ዲሞክራስያዊ ኪዳን ኣብ   ወጻኢ ሃገራት ኤውሮጳን ሰሜን ኣሜሪካን ንዘካይዶ ዲፕሎማስያዊ ንጥፈታት ንምጅማር ብዕለት 24 ሰነ 2011 ኣብ ከተማ ለንድን ኣትዩ።

ኣብ ዑደቱ ምስ መንግስታዊ ሓለፍትን ኣባላት ፓርለማን መራሕቲ ፖለቲካዊ ሰልፍታትን ርክባት ንምክያድን  ብሓፈሻ ንህልዊ ኩነታት  ኤርትራን ኣብ ልዕሊ ስርዓት ህግደፍ ብባይቶ ጸጥታ ሕቡራት መንግስታት ዝተበየነ ማዕቀብ ቁ.1907 ኣብ ዝመጽእ ወርሒ ስሩዕ ዳግማይ ንምርኣይ ተታሒዙ ዘሎ መደብ ብዝምልከትን ምምይያጣት ንምግባርን ዘጠቃለለ’ዩ። ከምኡ’ውን ንኣብ መወዳእታ ናይዚ ዓመትዚ ክጋባእ ተመዲቡ ዘሎ ኤርትራዊ ሃገራዊ ጉባኤ ንዲሞክራስያዊ ለውጥን ውጽኢታቱን ብምሕባር፡ ዘሎዎም ኣረኣእያን መርገጽታትን ንምፍላጥን ኤርትራዊ ዲሞክራስያዊ ኪዳን ከም መተካእታ ስርዓት ህግደፍ ንክኸውንን ክበቅዕን ብወገኖም ክገብርዎ ዝግባእ ደገፋት ንምሕታትን ዝዓለመ እዩ። ብተወሳኺ ምስ ጨናፍራት ኪዳንን ህዝብን ርክባት ከምዘካይድ ተሓቢሩ ኣሎ።

ተጋዳላይ በሽር ኢስሓቕ ቅድሚ ናብ ወጻኢ ዑደት ምጅማሩ ምስ ኤምባሲታት ዝኸደሎም ሃገራት ኣብ ኣዲስ ኣበባ ብዛዕባ ዝርዝር መደባት ዑደቱ ኣመልኪቱ ርክባት ብምክያድ ሰፊሕ ምይይጣት ከምዘካየደ ይፍለጥ። ኮምኡውን ምስ ናብ ኣዲስ ኣበባ ዝመጹ ዝተፈላለዩ መንግስታዊ ልኡኻት ብፍላይ ከኣ ምስ ሽማግለ ኣፈጻጽማ ማዕቀብ ኣርባዕተ ግዜ ርክባት ብምክያድ ንኣገባብ ምሕያል ኣፈጻጽማ ማዕቐብ ኣመልኪቱ ምይይጥ ከምዘካየደ ይዝከር።