ነጻነቱ ብደሙ ኣራጋጊጹ ሓርነት ዝሓርበቶ ህዝቢ

መበል 24 ክፋል

ሕድሪ ሰማእታትና ክቡር እዩ

በርሀ ዑቁባዝጊ ሃገር ጀርመን 

ንመን ኢኻ ኣለም ጎይትኦም ተጠንቅቆ

ወናኒ መስከረም ናይ ዲክታቶር ጥቢቆ

ንደንበ ስመር ከጸልም ዘምህረት ዶላራት ዘሕቆፎ።

ኤረትራዊ ወደባት የኸፍኣሉዶ

እንተበለ ሓማስየናይየ

እንተበለ ኣኮለጉዘታየ

እንተበለ ሰረወትይየ

እንተበለ ሰንሒተታየ

እንተበለ ባርከታየ

እንተበለ ሰምሃረታየ

እንተበለ ሳሕለታይየ

እንተበለ ደንከለታይየ

ወዲ ጀነራል ንገረና እስከ ምዃንካ እንታዋይ።

መን እዩ ጸረ ደቀባት ኣዋፊሩካ

መን ንዓመት 70 ሽሕ ዶላር ቆጺሩካ

ዘምህረት ዶ ኢሰያስ ዓሲቦምኻ

ኣብ ፕልቶክ ጽንክትብል ትሓድር ዘለኻ

ትደግም እቲ ናይ ሜዳ ተግባራትካ

 ተሰኒዱ ኣሎ ሑሉፍ ታሪኽካ

ዝረሳዕናዮ ከይመስለካ ካብ ቀደምካ

ምስ ሉኡኽ ኣስራተ ካሳ ምስ ዝወገንካ

ምሱኡ እዩ ጥፍኣትካ

ጸረ ደለይቲ ለውጢ ካብ ዓጠቕካ።

ሓደ ካብቶም መንሽሮ ናይ ሜዳ

ኣብ ዝባንካ ኣሎ ሰፍ ዘይብል ዕዳ

ወዲ ጀነራል ዑሱብ ናይ ጃንዳ

ዋህዮ ናይ ኢሰያስ በላዒ ኣድራጋ።

ወናኒ መስከረም ከም ፍታሄ ደመጥሮስ ናይ ህዝብና ምንሽሮ

ኣይመሰሎምን መንእሰይ ንስርዓት ኢሰያስ ፎ ከምዝበሎ

ብደገን ብውሽጥን ሓሪኑ ንጃንዳ ህግደፍ ክነቅሎ።

ሎሚ ዓመት በሎ በሎ እዩ ዝባሃል ዘሎ

ጊላ ናይ ዲክታቶር ኣገልጋሊ

ደድሕሪ ምጽነቲ ህዝቢ ሃላሊ

ጀሚሩ ድማ ኣውራጃታት ክፈላሊ

ምስ ጃንዳ ክትድሰቕ ኢኻ ብሓኽሊ

ህዝባዊ ሓለንጊ ኣሎ ፈታውን ጸላኢን ዘለሊ። 

እታ ድጉልቲ ሓዊ ትብል ዘላ ፈኸም

ናብ ሃልሃልታ ተቐይራ ክትልብልቦም

ንጃንዳ ናይ ደገን ውሽጥን ንኹልኹም

ደም መንእሰያትና ኣሎ ኣብ ዝባኖም

ቀሪቦም እዮም ክቅበሉ ፍርዶም።

ንሕምቶ ዶ ሕቶ

ተላዒሉዩ ዓቢ ምስ ንእሽቶ

ተቃዋማይ ሰሚሩዩ ጽላእ ፍቶ

ዓቕሊጽበትዩ ውልዕ ጥፍእ ከም ሓዊ ለይቶ

ንኢሰያስ ኣርዒድዎ ኣብ ኣዋሳ ዝተተኽለ ባይቶ

ተዛትዩ ወደባት ክፈትሖ ናይ ህዝብና ሕቶ።

ጭርሕ ለብዘበን

ስመርዩ ዝባሃል ዘሎ ጸረ ዕንቅርቢት ተመን

ንዘረግቲ ሓድነትና ቦታ የለን

ሓቢርና ንበል ኢሰያስ ወካሊና ኣይኮነን።

ኣቲ ምስ መጽነት ዓደቦኺ ተሻርዊ

ንህዝብና ከጽንት ዝኣጉድ ሓዊ

ንመራሒ ማፍያ ንመንእሰያትና ዝጭዊ

ዝሸይጥ ብዶላራት ናውቲ ኤረትራዊ

ካብ ተሓቢእኪ ትቅንዘዊ

 ፎእ በልዮ ንኢሰያስ ሓሳዊ።

ጃንዳን ሳዓብቶምን ንህዝብና

ተጣናኒጎሞ  ከም ቆንጠጠፈ

ደቂ ኤረይ ንጽረጎም ብዝቀልጠፈ

ያኣኽለና እቲ ዝሓለፈ

ድቃስ የሎን ኢሰያስ ምስ ጃንድኡ ከይተጓሕፈ።

ዑሱባት ጃንዳ ዝበሉ እንተበሉ

ቃልስና ቀጻሊዩ ክሳብ ጭፍራ ዝባረሩ

መንእሰይ ሰሚሩዩ ሓቢሩ

ንህግደፍ ናብ ህዝቢ ከረክቦም ኣሲሩ።

ዓወት ነቲ ደም ዝነብዕ ዘሎ ህዝቢ ኤረትራ

ክብርን ሞጎስን ንጀጋኑ ሰማእታትና

ኤረና ንለብዘበን እንበር ነዓመታስ ሸዊት ለምለም

ዕንወት ንጃንዳ ህግደፍን ዓንገልቶምን