ኣገናዕ ሃብሮማት መንእሰያት
ንስካትኩም ኢኹም ናይ ህዝብኹም መስትያት
ካልኣይ ክፋልን መወዳእታን)
ብ.ገብረሚካኤል ሃብተጽዮን) ቆሪጀ) ሃገር ጀርመን)
ብኣኻዩ ዝዕወት እቲ ራእየይ ትምንተይ
ኣብ ጐንኻ ኣለና ሃብሮማይ መንእሰይ
ንስኻኻ መድሕን ንስኻኻ ፈውሰይ
ተቀባሊ ሕድሪ ንስኻኻ ወራስየይ
ተሓቢነየ ብኣኻ ክገልጸልካ ሓጐሰይ
እቶም ጸላእትኻ ንዓይውን ጸላእተይ
ንህዝቢ ዘሳቅዩ እዞም ስሚ መንእሰይ።
ኩሉ ዘረባኦም ተኣፋፊ
መንባሃቕቲ ተጸበይቲ ሕልፊ
ንኺድ ጥራይ ዝብሉ ክሳብ ጸድፊ
ወቃዕቲ ከበሮ ሳዕሳዕቲ ምስ ደርፊ
ደቂ ሕድርትና ውን ኣለወኦም ዝተኸደና ጥልፊ
ንሰብኡተን ዘፍትሕኦም ቁልፊ
መንግስትና ዝብላ ንሰራቂ ዘራፊ
ሕሉበን ንጹፈን ሓሶት ጸርፊ።
ዘገርም)
ዘስደምም ግን ናይቶም ዓበይቲ ሸያባት
ህዝቢ እንዳ ጸነተ ወደስቲ ማፍያታት
እንዳ ረኣይዎም ክቅዘፉ ዕሸላት መንእሰያት
ሸየጥቲ ሕልንኦም ዘይጹንዓት
ብሕልፊኳ እቶም ዶካትር ምሁራት
ንህዝቦም ዝረስዑ ናይ ኢሰያስ ዑሱባት
ፍጹም ዘይዓጅቦም ናይ ኣደታት ንብዓት
ንሓደ ሰብ ዘምልኹ ተበለጽቲ ጀራቋት
ዓገብ ዘይፈልጡ ዘየጥረዩ ትብዓት
ኢሰያስ ጭርሖኦም ብህዝብና ፍንፉናት
11ተካልዩ እዋኑ ምጾታትዩ ምጾታት።
እዚ ፍንፉን ስርዓት ዓለም ዝፈንፈኖ
ብክብረት ሓንጊዱ ሕጂ ብልማኖ
ጻድቅ ተመሰለ የብሉን ዝኣምኖ
ገዳይ ገዳይ ዘብዝሕ ደረቀኛ ዕዋኖ
ንምሸቱ ዘፍርሶ ንግሆ ዝወሰኖ
ፍላስፋ ናይ ሓሶት ትምክሕቲ ዘሻደኖ
ኮሶ ኣስትይዎ መድሃኒት እንተኾኖ
ይኣክል ንህዝብና ዝጨቆኖ ዘማሰኖ
ሓሶትን ፈኸራን ዘዕወንወኖ።
መሬት ዓድታት ኤረትራ ተዘሚቱ
መሬት ዓዲ ሰጉዶ ቤት መኻእ ተዘሚቱ
መሬት ጐዳይፍ ዓዲ ጓዕዳድ ተዘሚቱ
መሬት ቁሸት ጻዕዳምባ ተዘሚቱ
መሬት ዓዲ ኣበይቶ ኣርብዕተ ኣስመራ ተዘሚቱ
መሬት ሃዘሞ ተኸላ ተዘሚቱ
መሬት ሰንሒት ጋሽ ባርካ ተዘሚቱ
ብዶላራት እንዳሸጦ ንመጋበርያታቱ
ሰስብሑ ንጀነራላቱ
መንግስትና ዝብሉ ርስቶም እንዳ ተዘመቱ
ወዲ ኣፎም ጅግና ንሓለቓ ሸፋቱ
ላዕልን ታሕትን ዝብሉ ንድሕነቱ
ትንፋሶም ዘይሓለፈት ብሂወቶም ዝመቱ
ጠላም ከዳዕ መጉሃይ ስድራበቱ
ሽለት ሕማቕ መሕዘኒ ብጾቱ።
ብኹሉ ዝከሰሩ ጻማኦም ንኾንቱ።
መሬት ዓዲ እንዳሸጦ መንግስቲ
ኣንቱም ደቂ መሬት ደቂ ርስቲ
እንዳ ተዘመትኩም መጣቃዕቲ
ይኣክል በልዎም ንዓመጽቲ
ወጊድ ምጽማም በዚሑ ትዕግስቲ
ንመሬት ንርስቲ ዝዋጋኣላኳ ኣንስቲ
ኣንቱም ብዋጋ ህዝቦም ተጣላዕቲ
ነዚ ዓምባኽ ስርዓት መሳሰይቲ
ፍሱሳት ሓሞቶም ተጣራዕቲ
ናይ ሰብዓታት ተጋደልቲ ናይ ሎሚ ዋጠይቲ።
እቶም ድዀዕታቱ ክጽረጉ ብባዴላ
እቶም ንሕና ንሱንሱ ንሕና ዝብላ
እተን መንእሰያት እንዳ ተቀዘፉ ዝስዕስዓ ዝዕልላ
ኣደታት ብሑዝናተን ዝቑነና ዝኾሓላ
ዝተዓዛዘረን እተጸለላ
ንኹሉ ግዜ ኣለዎ ሓንቲ ማዓልቲላ
ኣደ ስውእ ንብዓታ ትሕብሰላ
ጃንዳ ህግደፍ ዝኣትወላ ኣብ ሸላ
ዝተኣሰረ ጅግና መቁሑ ትፍትሓላ
ቀሪባያጸሓይ ውጽዓት ትበርቀላ
ረባዓት ካብ ዓጠቑ ዋዕሮታት ካብ ተላዕላ።
ፍቅርን ስኒትን ንህዝብና
ክብርን ዝኽርን ንስውኣትና
ሞት ንስር ዓት ህግደፍን ጭንግዓቱን
|
